Situata e zjarreve në vend, 06 gusht 2021

06 gusht, ora 14:00

Situata e vatrave të zjarreve ne terren ...

 

 

 

 

Lexo më shumë...

Zjarri në gadishullin e Karaburunit, rreth 500 efektivë të FA në terren

Rreth 500 efektivë të Forcave të Armatosura, 50 mjete, 3 helikopterë, zjarrfikëse e autoambulanca janë angazhuar prej orëve të para të mëngjesit të sotëm në operacionin për shuarjen e flakëve në Gadishullin e Karaburunit. Flakët kanë vijuar të jenë aktive përgjatë natës, duke u kthyer në rrezik për banorët e fshatit Dukat. Aksioni po vijon prej orësh nga toka dhe nga ajri për të vënën nën kontroll flakët, në mënyrë që ato të mos përparojnë drejt Parkut të Llogarasë.

Një tjetër vatër aktive është në fshatin Cukal, njësia administrative Shllak, bashkia Vau Dejës, ku ka rënë zjarr në një sipërfaqe me shkurre dhe pemë të ndryshme. Shërbimi vendor i MZSH Vau Dejës ndodhet në vendngjarje dhe po punohet për shuarjen e flakëve.

 

Lexo më shumë...

Helikopteri Cougar i Forcës Ajrore po kryen operacionin për shuarjen e zjarreve mbi Karaburun e Pashaliman

Helikopteri Cougar dhe ekujpazhi i tij me pilotë e teknikë në bord, prej 5 orësh e 5 minuta po kryejnë operacionin për shuarjen e zjarreve mbi Karaburun dhe Pashaliman. 

Gjatë këtij operacioni jo të lehtë, për shkak të terrenit të mbuluar nga tymi dhe flakët, Helikopteri Cougar, me ndërhyrjen nga ajri, ka bërë të mundur neutralizimin, shuarjen e mbajtjen nën kontroll të disa vatrave të zjarrit nëpërmjet hedhjes së ujit me kovën e posaçme “Bambi Bucket”.

Ekujpazhi i pilotëve dhe teknikëve të helikopterit Cougar, të Bazës Ajrore Farkë janë duke punuar me intensitet e përkushtim për të bërë të mundur kryerjen me sukses të këtij operacioni.

Lexo më shumë...

Forcat e Armatosura angazhim maksimal në shuarjen e zjarreve

Strukturat e Forcave të Armatosura janë angazhuar maksimalisht në disa zona të vendit për shuarjen e zjarreve. Që prej datës 23 korrik, efektivë të Forcës Tokësore dhe të Forcës Detare janë angazhuar për shuarjen e zjarreve në zonën e Karaburunit, Cakranit në Fier si dhe në Laç, duke sfiduar terrenin dhe temperaturat ekstreme të këtyre ditëve. 

Me marrjen e njoftimit të emergjencës së rënies së zjarreve nga Qendra e Bashkuar Operacionale, këto struktura kanë dërguar trupat e gatshme në këto rajone. Në këtë operacion janë përfshirë 100 trupa të pajisura me bazë material të dedikuar për shuarje zjarresh. Ky operacion vazhdon pandërprerë ditën dhe natën, duke freskuar trupat e angazhuara në operacion. 

 

Lexo më shumë...

Diplomohen 59 oficerët e rinj të FA, Peleshi: Akademia e FA, diploma ekuivalente me akademitë e vendeve të NATO

59 kadetë, mes të cilëve 13 vajza dhe 46 djem përfunduan me sukses Kursin e Përgatitjes së Oficerit të Ri, i cili zgjati 37 javë.

Në ceremoninë e diplomimit dhe betimit të tyre, morën pjesë ministri i Mbrojtjes Niko Peleshi, zëvendësministrja e Mbrojtjes Dallëndyshe Bici, shefi i Shtabit të Përgjithshëm të FA gjeneralmajor Bajram Begaj, zëvendësshefja e Shtabit të Përgjithshëm të FA gjeneralmajor Manushaqe Shehu, deputetë, komandantë të forcave si dhe atashe ushtarakë.

Në fjalën e tij përshëndetëse, ministri i Mbrojtjes Niko Peleshi vlerësoi se përfundimi me sukses i këtij kursi është kapërcim i madh, një inkurajim dhe motivim i merituar për këta të rinj, si oficerët më të rinj të Forcave të Armatosura të Republikës së Shqipërisë.

Lexo më shumë...

Gjeneralmajor prof.asoc Begaj pret në takim atashetë ushtarak francez

Shefi i Shtabit të Përgjithshëm të FARSH, gjeneralmajor prof. asoc Bajram Begaj priti në një takim kortezie kolonel Fabrice Duda, me rastin e përfundimit të detyrës si atashe ushtarak i Republikës së Francës, i akredituar në Shqipëri, si dhe kolonel Nicolas Coussiere, i sapo emëruar në këtë detyrë.

Gjatë takimit, gjeneralmajor prof.asoc Begaj vlerësoi përpjekjet dhe punën e kolonel Duda, për rritjen e bashkëpunimit midis dy vendeve në fushën e mbrojtjes, gjatë kohës së qëndrimit në detyrë. Gjithashtu, gjeneralmajor Begaj i uroi suksese në detyrën e sapo marrë kolonel Coussiere, duke e garantuar për gatishmërinë e FARSH në thellimin e bashkëpunimit midis dy vendeve, e veçanërisht në fushën e arsimimit ushtarak.

Nga ana e tij kolonel Duda pasi shprehu kënaqësinë dhe mbresat gjatë qëndrimit si atashe ushtarak në Shqipëri, falenderoi shefin e Shtabit të Përgjithshëm të FARSH për mbështetjen e dhënë në kryerjen e detyrës, duke vlerësuar në veçanti nivelin e lartë profesional të ushtarakëve shqiptarë të cilët janë diplomuar në Kolegjin e Luftës në Francë. 

Lexo më shumë...

Prezantohen rezultatet e punës për grumbullimin e armatimeve pa leje, shkatërrohen 15,401 armë ilegale në Uzinën e Gramshit

15.401 armë të vogla dhe të lehta të konfiskuara ose të grumbulluara përmes fushatave të vazhdueshme të sensibilizimit janë demontuar në Uzinën Mekanike në Gramsh.

Ky proces pune u inspektua nga zëvendësministrja i Mbrojtjes Dallëndyshe Bici, zëvendësministër i Brendshëm dhe kryetar i Komisionit Kombëtar të AVL (Armëve të Vogla dhe të Lehta) Besfort Lamallari, anëtarë të Komisionit Kombëtar të AVL nga institucione të ndryshme dhe agjenci të pavarura, përfaqësues nga ambasada.

 

Lexo më shumë...






Media Sociale



Moti