Sot në Portin e Durrësit u zhvillua ceremonia e përcjelljes së personelit të Forcës Detare dhe anijes “Oriku P-132” për në operacionin e NATO “Aegean Sea”, në kuadër të dislokimit të Forcave të Armatosura të RSH.
Në ceremoninë e organizuar me këtë rast ishin të pranishëm ministrja e Mbrojtjes znj. Mimi Kodheli, zëvendësshefi i Shtabit të Përgjithshëm të FA, gjeneral brigade Dedë Prenga, kryetari i Komisionit Parlamentar të Sigurisë z. Spartak Braho, komandantë të forcave dhe komandave ushtarake të FA, drejtorë të Drejtorive në Ministrinë e Mbrojtjes dhe Shtabit të Përgjithshëm të Forcave të Armatosura, atashe ushtarakë të akredituar në vendin tonë, përfaqësues të pushtetit vendor Durrës, si dhe familjarë të efektivave që përcillen për në operacion.
Shefi i Shtabit të Përgjithshëm të FARSH, gjeneralmajor Jeronim Bazo mori pjesë në ceremoninë solemne të Ditës së Kujtesës si dhe zhvilloi homazhe dhe vendosi kurorë në kujtim dhe nderim të heroizmit dhe sakrificave të ushtarëve dhe civilëve britanikë që humbën jetën dhe ranë duke luftuar në vendin tonë në Luftën e Dytë Botërore, Krahas shërbesave rituale mes lutjesh, në këtë ceremoni u përkujtua edhe Kapiten Feti Vogli, i cili humbi jetën në Afganistan në vitin 2012.
Megjithë përmirësimin e motit dhe gjendjes së shkaktuar nga përmbytjet e ditëve të fundit, Forcat e Armatosura të Republikës së Shqipërisë vazhdojnë të jenë në krye të detyrës në të gjitha zonat ku nevojitet ndërhyrja e tyre.
Në Dibër, Krujë dhe Vlorë, Forcat e Armatosura vazhdojnë të jenë të angazhuara, kryesisht për të riparuar dëmet e shkaktuara nga përmbytjet.
Në zonën e Dibrës, Forcat e Armatosura po punojnë për ndërtimin e argjinaturave të dëmtuara në Gjoricë.
Strukturat e Forcave të Armatosura vazhdojnë të jenë të angazhuara dhe në gatishmëri në të gjithë territorin e vendit. Nisur nga luhatjet e motit në orë të ndryshme të ditës, si dhe situatës e cila ndryshon vazhdimisht, strukturat e FA po vijojnë të angazhojnë të gjitha kapacitetet operacionale të komandave dhe njësive operacionale në zonat e rrezikuara, si dhe janë në kontakt të vazhdueshëm me Drejtorinë e Përgjithshme të Emergjencave Civile. Në operacion janë angazhuar 236 forca, mjete të kalueshmërisë së lartë dhe të ndërhyrjes së menjëhershme.
Strukturat e Forcave të Armatosura vazhdojnë të jenë të angazhuara dhe në gatishmëri në të gjithë territorin e vendit. Nisur nga situata sinoptike në përmirësim, pavarësisht luhatjeve të motit në orë të ndryshme të ditës, si dhe ndjekja nga afër e situatës nga strukturat e FA të angazhimit të kapaciteteve operacionale të njësive dhe reparteve në zonat e rrezikuara, si dhe duke mbajtur kontakt të vazhdueshëm me Drejtorinë e Përgjithshme të Emergjencave Civile, në operacion janë angazhuar 201 forca, mjete të kalueshmërisë së lartë dhe të ndërhyrjes së menjëhershme.
Ministrja e Mbrojtjes znj. Mimi Kodheli ka prezantuar sot paradite zëvendësshefin e Shtabit të Përgjithshëm të FARSH, gjeneral brigade Dedë Prenga. Në ceremoninë e organizuar me këtë rast ishin të pranishëm zëvendësministrat e Mbrojtjes z. Petro Koçi dhe z. Idlir Peçi, shefi i Shtabit të Përgjithshëm të FA gjeneralmajor Jeronim Bazo, komandantë të forcave dhe njësive autonome si dhe drejtorë drejtorish në MM dhe SHP.
Reshjet e dendura të ditëve të fundit janë shoqëruar me rritjen e mëtejshme të numrit forcave dhe mjeteve të Forcave të Armatosura, të cilat duke mbajtur kontakt të vazhdueshëm me Drejtorinë e Përgjithshme të Emergjencave Civile, janë të pranishëm dhe të gatshëm t'i vijnë në ndihmë të popullsisë së prekur nga përmbytjet.
Në Qarkun Shkodër u angazhuan dhe janë në gatishmëri 36 forca, mjete të kalueshmërisë së lartë si dhe motobarka shpëtimi. Janë evakuuar, 25 banorë, në fshatin Obot, Kuç dhe Oblikë, Shkodër. Mjetet kanë qëndruar në gatishmëri në pika kyçe (Harku i Bërdicës, Kuç, Obot, Oblikë), për të ndërhyrë në raste të përkeqësimit të situatës.
