Gjeneral brigade Kollçaku mori pjesë në takimin e 8 - të Iniciativës DECI (Defence Cooperation Iniciative)

Shefat e Shtabeve të Përgjithshme të Shqipërisë, Italisë, Austrisë, Hungarisë, Sllovenisë, Kroacisë  dhe Malit të Zi, në takimin e 8 të iniciativës DECI (Defence Cooperation Iniciative),  të zhvilluar  sot në Podgoricë, Mali i Zi.

Takimi u përshëndet nga ministri i Mbrojtjes së Malit të Zi, z. Predrag Bošković, i cili pasi u uroi mirëseardhjen, vuri theksin në rëndësinë që kjo iniciativë ka në rritjen e bashkëpunimit ndërmjet vendeve në fushën e Sigurisë dhe Mbrojtjes.

Takimi i 8 - të i Iniciativës DECI, i drejtuar nga shefi i Shtabit të Përgjithshëm të FA të Italisë, gjeneral Enzo Vecciarelli, në rolin e vendit drejtues të Iniciativës, së bashku me shefin e Shtabit të Përgjithshëm të FA të Malit të Zi, gjeneral brigade Dragutin Dakić, në cilësinë e kryetarit të delegacionit të vendit pritës, vijoi punimet me disa prezantime me qëllim njohjen e pjesëmarrësve në këtë takim mbi arritjet e deritanishme të kësaj nisme si dhe zhvillimet e pritshme në të ardhmen.

Lexo më shumë...

Kursi i Lartë i Sigurisë dhe Mbrojtjes vizitë në Shtabin e Përgjithshëm të FA

Në kuadër të zbatimit të programit akademik të Kursit të Lartë të Sigurisë dhe Mbrojtjes (KLSM), për njohjen nga pjesëmarrësit me institucionet e rëndësishme të Forcave të Armatosura Shqiptare, në mjediset e Shtabit të Përgjithshëm të FA u realizua një vizitë njëditore.

Fillimisht pjesëmarrësit e KLSM u pritën në një takim mirëseardhje nga shefi i Shtabit të Përgjithshëm të FA, gjeneral brigade Bardhyl Kollçaku. 

Gjatë takimit, gjeneral brigade Kollçaku, pasi vlerësoi ecurinë pozitive të zhvillimit të kursit, i përgëzoi pjesëmarrësit për performancën e treguar gjatë ndjekjes së tij. “Ju jemi mirënjohës për pjesëmarrjen në kurs, ashtu sikundër një falënderim e mirënjohje e veçantë dhe për vendet tuaja respektive, për bashkëpunimin pozitiv e të suksesshëm, në krijimin e mundësive për ndjekjen nga ana juaj të kursit më të lartë të Sigurisë e Mbrojtjes në nivel rajonal...”, - u shpreh ndër të tjera gjeneral brigade Kollçaku.

Lexo më shumë...

Gjeneral brigade Kollçaku merr pjesë në “Ditën e Vizitorëve të Shquar”, të stërvitjes rajonale “Joint Reaction 2019”

Shefi i Shtabit të Përgjithshëm të FARSH, gjeneral brigade Bardhyl Kollçaku, mori pjesë në “Ditën e Vizitorëve të Shquar”, (DVD), të stërvitjes rajonale “Joint Reaction 2019”, e zhvilluar në vendin tonë, në kuadër të iniciativës “US-A5 Adriatic Charter” dhe Memorandumit të Mirëkuptimit, të nënshkruar midis Forcave të Armatosura të vendeve të A-5.

Në ceremoninë e DVD të kësaj stërvitjeje, e cila u organizua në mjediset e garnizonit “Skënderbej” dhe në bashkinë Krujë, pas një prezantimi të shkurtër të gjithë skenarëve të kësaj stërvitje, një përshëndetje e veçantë për gjithë pjesëmarrësit në këtë stërvitje, u adresua nga SHSHPFA gjeneral brigade Bardhyl Kollçaku.

 

Lexo më shumë...

Policia Ushtarake trajnohet nga Karabinieria Italiane

Efektivët e Policisë Ushtarake janë trajnuar nga ekspertët e Armës së Karabinierisë Italiane (Arma dei Carabinieri). Ky trajnim vjen si pasojë e një bashkëpunimi të shkëlqyer ndër vite midis Policisë Ushtarake të FA të Republikës së Shqipërisë dhe Karabinierisë Italiane. 

Stërvitja, e cila për herë të parë zgjati tre javë, përgatiti 30 efektivë të PU-së për stërvitje më komplekse përsa i përket qitjes operative.  

Qëllimi i kësaj stërvitjeje është aftësimi i trupës për përdorimin e armëve të gjata dhe të shkurtra.

Me rastin e përfundimit të stërvitjes toga e PU demonstroi ushtrime komplekse për përdorimin e armëve në qitje operative. Ky demonstrim u ndoq nga atasheu ushtarak i Italisë kolonel Fabio Cornacchia dhe komandanti i Policisë Ushtarake kolonel Altin Kurti. 

Lexo më shumë...

Zhvillohet stërvitja rajonale “Joint - Reaction 2019”

Në kuadër të Iniciativës së “A-5”, prej datës 21 dhe deri në 24 tetor 2019, po zhvillohet në Tiranë Stërvitja Rajonale “Joint Reaction 2019”, e cila përbën një ndër projektet kryesore të kësaj nisme, përsa i përket qasjes gjithëpërfshirëse në çështjet e bashkëpunimit, koordinimit dhe reagimit në fushën e Sigurisë.

Në stërvitje marrin pjesë USA EUCOM, Garda Kombëtare e New Jersey dhe përfaqësues të vendeve të A-5: Shqipëria, Kroacia, Maqedonia e Veriut, Mali i Zi, Bosnja - Hercegovina si edhe Kosova, Sllovenia, organizata homologe të mbrojtjes civile si dhe përfaqësues nga të gjitha ministritë e tjera që kanë detyrime, sipas ligjit të Emergjencave Civile.

Lexo më shumë...

Luiza Gega rrëmben medaljen e bronzit në Lojërat Botërore Ushtarake 2019

Flamurtarja e ekipit të Forcave të Armatosura shqiptare, nëntetare Luiza Gega, ka arritur një rezultat historik në Lojërat Botërore Ushtarake që po zhvillohen në Wuhan të Kinës, duke u ngjitur në podium në garën e 3000 m me pengesa.

Në këtë finale Luiza vrapoi bashkë me katër finalistë të Botërorit të Atletikës “Doha 2019”. Ajo gjithashtu rikonfirmoi normën olimpike me kohën 9’26” për “Tokyo 2020”.

Nisur nga fakti që këto lojëra janë eventi më i madh sportiv botëror pas lojërave olimpike, kjo është një arritje e madhe jo vetëm për Forcat e Armatosura, por edhe për Shqipërinë.

 

Po në të njëjtën garë, 3000 m me pengesa për meshkuj, rezultat të mirë gjithashtu shënoi major Bledar Mesi duke u pozicionuar në vendin e 10-të, në baterinë e tij me kohën 10’21”.

Lexo më shumë...

Gjeneral brigade Kollçaku i dorëzon flamurin ekipit pjesëmarrës në “Lojrat Olimpike Ushtarake Botërore 2019”

Shefi i Shtabit të Përgjithshëm të FARSH, gjeneral brigade Bardhyl Kollçaku i ka dorëzuar flamurin ekiptit ushtarak të FA të cilët do të përfaqësojnë FARSH në “Lojrat Olimpike Ushtarake Botërore 2019”, që do të zhvillohen në Wuhan, Kinë, nga data 14-28 tetor 2019.
Flamuri iu dorëzua atletes nëntetare Luiza Gega, finaliste e lojërave botërore të atletikës zhvilluar muajin e kaluar ne “Doha”, Katar, ku me kohën 09'19”, në garën 3000m me pengesa, theu rekordin kombëtar dhe u kualifikua për në Lojërat Olimpike 2020.

Gjeneral brigade Kollçaku, u shpreh i nderuar dhe duke e konsideruar moment shumë të veçantë, ndër të tjera tha: “Jam besimplotë që do të na nderoni. Të gjithë përfaqësuesit që ndodhen këtu, janë më të përzgjedhurit, më të mirët, që jo vetëm kanë eksperiencë, por na kanë përfaqësuar denjësisht në shumë kompeticione brenda dhe jashtë vendit, ku do të veçoja Luiza Gegën, e cila e ka valëvitur flamurin tonë në shumë kampionate. Mendoj dhe besoj fort që ju do të shpërbleni besimin e ministrit të Mbrojtjes dhe shefit të Shtabit të Përgjithshëm për përfaqësimin dinjitoz dhe pse jo të ktheheni dhe me trofe. Ju do të tregoni me disiplinën dhe shpirtin e garës që Shqipëria është vërtet një vend i vogël, por më një zemër të madhe. Suksese!”, - u shpreh gjeneral brigade Kollçaku.

Lexo më shumë...







Media Sociale



Moti