Gjeneral brigade Manushaqe Shehu merr pjesë në takimin e zv.shefave të Shtabit të Përgjithshëm të vendeve të Evropës Juglindore

Në kuadrin e iniciativës SEDM, ku Shqipëria mban kryesimin për periudhën 2019-2021, u zhvillua takimi i zëvendësshefave të Shtabit të Përgjithshëm të vendeve të Evropës Juglindore, ku Kroacia ishte në rolin e vendit pritës.

Për shkak të COVID-19 takimi u zhvillua online me VTC. Forcat e Armatosura shqiptare u përfaqësuan nga zëvendësshefi i Shtabit të Përgjithshëm të Forcave të Armatosura, gjeneral brigade Manushaqe Shehu dhe stafi mbështetës nga Drejtoria e NATO dhe BE dhe Drejtoria e Planifikimit të Mbrojtjes J 5/8, në SHPFA.

Takimi u hap nga zëvendësministri i Mbrojtjes të Republikës së Shqipërisë Petro Koci në rolin e kryetarit të SEDM-CC/PMSC. Më tej në rolin e vendit pritës përshëndeti zëvendësshefi i Shtabit të Përgjithshëm të Kroacisë, gjenerallejtënant Siniša Jurković.

 

Më tej komandanti i SEEBRIG-ut, gjeneral Brigade Aristeidis Iliopoulos mbajti një prezantim mbi aktivitetet dhe veprimtarinë e kësaj brigade nga takimi vitit të kaluar mbajtur në Bukuresht të Rumanisë dhe deri tani.

Lexo më shumë...

Gjeneralmajor prof. asoc. Bajram Begaj në Konferencën vjetore të Shefave të Shtabit të Rajonit të Ballkanit

Shefi i Shtabit të Përgjithshëm të FARSH, gjeneralmajor prof. asoc. Bajram Begaj mori pjesë në Konferencën e 14-të të Shefave të Shtabit të Vendeve Ballkanike (BCHOD) të organizuar në Sarajevë, Bosnjë.

Përveç delegacioneve nga nëntë vendet ballkanike anëtare të iniciativës, të ftuar në këtë takim ishin edhe shefat e Shtabit të Kroacisë dhe Sllovenisë, kryetari i Komitetit Ushtarak të NATO, zëvendëskomandanti i Komandës së Bashkuar të NATO në Napoli, si dhe përfaqësues nga Komiteti Ushtarak i Bashkimit Evropian.

Në konferencë u prezantuan dhe miratuan raportet vjetore të Grupit të Koordinimit, Nëngrupit të Punës mbi Kërcënimet Asimetrike dhe Nëngrupit të Punës së Edukimit, Trajnimit dhe Stërvitjes.

Lexo më shumë...

Kryetari i Komitetit Ushtarak të NATO mbyll mandatin, ministri Peleshi i jep "Medaljen e Mirënjohjes"

Kontributi i kryetarit të Komitetit Ushtarak të NATO, Air Chief Marshal Sir Stuart Peach për forcimin e marrëdhënieve të FA shqiptare me ushtritë e tjera aleate, bëri që ministri i Mbrojtjes Niko Peleshi t'i akordonte atij "Medaljen e Mirënjohjes".

Gjatë vizitës së tij në vendin tonë, që përkon edhe me përfundimin e mandatit të tij në krye të Komitetit Ushtarak të NATO-s, Air Chief Marshal Sir Stuart Peach u prit nga ministri i Mbrojtjes Niko Peleshi dhe shefi i Shtabit të Përgjithshëm të FA, gjeneralmajor Bajram Begaj.

Ministri Peleshi e cilësoi si shumë të veçantë vizitën e gjeneralit britanik, i cili mori besimin për të kryesuar Komitetin Ushtarak të NATO pikërisht në Tiranë, në shtator të vitit 2017.

Zoti Peleshi e përgëzoi Air Chief Marshal Sir Stuart Peach për lidershipin dhe profesionalizmin me të cilin ai drejtoi për gati katër vite këtë forum të rëndësishëm të Aleancës dhe për objektivat e arritura.

Lexo më shumë...

Gjeneralmajor prof. asoc. Bajram Begaj vizitë zyrtare në Komandën e KFOR

Shefi i Shtabit të Përgjithshëm të FARSH, gjeneralmajor prof. asoc. Bajram Begaj zhvilloi sot një vizitë zyrtare në Komandën e KFOR, ku u prit nga komandanti i KFOR, gjeneralmajor Franco Federici. 

Gjeneralmajor prof. asoc. Begaj shprehu mirënjohjen ndaj burrave dhe grave nën uniformë që shërbejnë në KFOR, ku edhe Shqipëria është pjesë e këtij misioni.

Nga ana e tij, gjeneralmajor Federici vlerësoi maksimalisht performancën e personelit ushtarak shqiptar që shërbejnë në KFOR.

Lexo më shumë...

Shefi i Shtabit të Përgjithshëm të FARSH gjeneralmajor prof. asoc. Bajram Begaj, vizitë zyrtare në Kosovë

Shefi i Shtabit të Përgjithshëm të FARSH, gjeneralmajor prof. asoc. Bajram Begaj zhvilloi një vizitë zyrtare në Kosovë, ku u prit me nderimet më të larta ushtarake nga komandanti i Forcës së Sigurisë së Kosovës, gjenerallejtënant Rrahman Ramaj.

Gjeneralmajor Begaj gjatë kësaj vizite u prit në takim nga ministri i Mbrojtjes, z. Armend Mehaj ku u bisedua për thellimin e bashkëpunimit të ndërsjellë për realizimin e suksesshëm të planit të përbashkët në funksion të avancimit të mëtejshëm të aftësive dhe kapaciteteve të mbrojtjes së dy vendeve në shërbim të paqes, sigurisë dhe stabilitetit në rajon dhe më gjerë.

Lexo më shumë...

Stërvitja “Defender Europe-21” kulmon me aktivitetin e Ditës së Vëzhguesve në Bizë

Shefi i Shtabit të Përgjithshëm të FARSH, gjeneralmajor prof. asoc. Bajram Begaj mori pjesë në aktivitetin “Dita e Vëzhguesve” (Observer’s Day) të stërvitjes “Defender Europe-21”, në Poligonin Kombëtar të Bizës, i cili për afro një muaji ka qenë teatri kryesor i demonstrimit të aftësive dhe kapaciteteve operacionale të trupave ushtarake tokësore të FARSH dhe atyre amerikane.

Në këtë aktivitet ku u zhvillua një demonstrim stërvitor morën pjesë gjithashtu edhe komandanti i Forcës Tokësore, gjeneral brigade Arben Kingji, komandantë forcash, drejtorë drejtorish në Shtabin e Përgjithshëm, si dhe atashe ushtarakë të vendeve të NATO të akredituar në vendin tonë.

Në përshëndetjen e tij, gjeneralmajor Begaj pasi adresoi një falenderim të veçantë për të gjithë të pranishmit u shpreh ndër të tjera: “Sot ndodhemi këtu midis ushtarakësh, në këtë fushë-laborator të stërvitjeve, trajnimeve dhe testimeve të kapaciteteve operacionale, për të përmbyllur me sukses këtë stërvitje historike, e cila nuk do jetë e fundit për FARSH.”.

Lexo më shumë...

Gjeneralmajor prof. asoc. Bajram Begaj pret në takim kortezie kolonel Timothy J. MacDonald

Në kuadër të stërvitjes “Defender Europe 2021”, shefi i Shtabit të Përgjithshëm të FARSH, gjeneralmajor prof. asoc. Bajram Begaj priti sot në një takim kortezie komandantin e Brigadës së 18-të të Policisë Ushtarake të Komandës së Forcave Tokësore të SHBA për Evropën dhe Afrikën, kolonel Timothy J. MacDonalds. 

Gjeneralmajor Begaj në fjalën e tij theksoi rëndësinë e stërvitjes “Defender Europe 2021” për Shqipërinë dhe rajonin, si dhe vlerësoi kontributin e Ushtrisë së SHBA në rritjen e aftësive operacionale të FARSH duke falenderuar Zyrën e Bashkëpunimit të SHBA në fushën e Mbrojtjes të atashuar në Shqipëri. 

 

Lexo më shumë...






Media Sociale



Moti