Gjeneralmajor, prof. asoc. Bajram Begaj, merr pjesë në Takimin virtual të Komitetit Ushtarak të NATO

Shefi i Shtabit të Përgjithshëm të FARSH gjeneralmajor Begaj mori pjesë në takimin virtual të Komitetit Ushtarak të NATO-s, në nivel Shefash Shtabi të Përgjithshëm.

Shefat e Mbrojtjes të vendeve të Aleancës u mblodhën për të diskutuar mbi sfidat e sigurisë me të cilat po përballet Aleanca, në të gjitha fushat operacionale dhe zonat gjeografike të përgjegjësisë. Gjithashtu, qëllim i këtij takimi ishte edhe promovimi i transparencës midis aleatëve dhe koordinimi i aktiviteteve të vazhdueshme kombëtare me ato të Aleancës.

Komandanti Suprem i Aleatëve në Evropë (SACEUR) dhe ndihmëssekretari i Përgjithshëm për Inteligjencën dhe Sigurinë, informuan dhe përditësuan Komitetin Ushtarak. Ndërkohë nga shefat e Mbrojtjes u shkëmbyen mendime dhe informacione, duke nënvizuar rëndësinë që ka mirëkuptimi kolektiv në parandalimin, frenimin dhe qëndrimin mbrojtës të Aleancës. 

Lexo më shumë...

Mesazh urimi i SHSHPFA me rastin e 109 - Vjetorit të Krijimit të Forcave të Armatosura

Mesazh urimi i shefit të Shtabit të Përgjithshëm të Forcave të Armatosura me rastin e 109 - Vjetorit të Krijimit të Forcave të Armatosura.

Shefi i Shtabit të Përgjithshëm të FARSH, gjeneralmajor prof. asoc. Bajram Begaj, me anë të një mesazhi, ka uruar ushtarë, nënoficerë, oficerë dhe civilë të Forcave të Armatosura, me rastin e 109 - vjetorit të krijimit të tyre...

 

 

Lexo më shumë...

Gjeneralmajor prof. asoc. Bajram Begaj, vizitë zyrtare në Komandën Amerikane në Evropë dhe atë të Ushtrisë Amerikane për Evropën dhe Afrikën

Shefi i Shtabit të Përgjithshëm të FARSH, gjeneralmajor Prof. Asoc. Bajram Begaj zhvilloi një vizitë zyrtare në Komandën Amerikane në Evropë (USEUCOM) dhe atë të Ushtrisë Amerikane për Evropën dhe Afrikën (USAREUR), në Shtutgard dhe Viesbaden, Gjermani. 

Pjesë e delegacionit ishte edhe ambasadorja amerikane në Tiranë Juri Kim, atasheu ushtarak i Mbrojtjes së SHBA kapiten i Rangut II David Millner, Shefi i zyrës Amerikane Bashkëpunimit të mbrojtjes N/Kol Erol Munir.

Gjeneralmajor Begaj u prit në takim nga komandanti i USAREUR gjeneral Christopher G. Cavoli si dhe zevendwsomandanti i EUCOM gjenerallejtënant Michael L. Howard. Në fjalën e rastit gjeneralmajor Begaj theksoi rëndësinë e bashkëpunimit ushtarak që ekziston midis Shqipërisë dhe SHBA, duke vlerësuar kontributin e vazhdueshëm që ushtria amerikane ka dhënë dhe vazhdon të japi në rritjen e aftësive operacionale të FARSH.

Lexo më shumë...

Presidenti dekreton gjashtë gjeneralë të rinj të Forcave të Armatosura

Presidenti i Republikës Ilir Meta ditën e premte shpalli dekretet për dhënien e gradës madhore për pesë gjeneralë dhe një kundëradmiral në Forcat e Armatosura të Shqipërisë.
Dekretimi i kundëradmiral Adnand Agastra, gjeneral brigade Editson Zarka, gjeneral brigade Petrit Çuni, gjeneral brigade Ferdinand Dimo, gjeneral brigade Ilir Pujo dhe gjeneral brigade Ylli Pulaj vjen pas propozimit nga ministri i Mbrojtjes.

Të gjashtë ushtarakët e lartë shquhen për nivel të lartë të profesionalizmit dhe përgjegjshmërisë kudo ku ata kanë shërbyer gjatë karrierës së tyre në Forcat e Armatosura.

Lexo më shumë...

Gjeneralmajor prof. asoc. Bajram Begaj, vizitë zyrtare në Maqedoninë e Veriut

Shefi i Shtabit të Përgjithshëm të FARSH, gjeneralmajor prof. asoc. Bajram Begaj zhvilloi një vizitë zyrtare dyditore në Maqedoninë e Veriut. 

Gjatë vizitës së tij në Shkup, gjeneralmajor Begaj u takua me presidentin e Maqedonisë së Veriut z. Stevo Pendarovski, ministrin e Mbrojtjes znj. Radmila Shekerinska, si dhe shefin e Shtabit të Përgjithshëm të Forcave të Armatosura, gjenerallejtënant Vasko Gjurchinovski dhe ambasadorin e RSH z. Fatos Reka.

Gjatë takimit me gjenerallejtënant Gjurchinovski u nënvizua rëndësia e bashkëpunimit dypalësh ushtarak, aktivitetet e përbashkëta të mbrojtjes, si dhe forcimi i mëtejshëm i këtij bashkëpunimi me pjesëmarrje në stërvitje dhe trajnime të përbashkëta. 

Lexo më shumë...

Zhvillohet aktiviteti me UNDP: “Politikat dhe procedurat kundër dhunës e ngacmimit në strukturat e MM/SHPFARSH. Parimet dhe standardet e një mjedisi të sigurt pune”

Në kuadër të programit të Kombeve të Bashkuara për Zhvillimin në Shqipëri (UNDP), u zhvillua një trajnim dyditor, me përfaqësues nga personeli ushtarak dhe civil i strukturave të MM/SHP dhe Komandat e Forcat kryesore të FARSH, si dhe drejtues të reparteve të varësisë së tyre.

Trajnimi i mbështetur nga UNDP, pati si qëllim njohjen dhe orientimin e pjesëmarrësve me kuadrin ligjor dhe nënligjor në fuqi, lidhur me parimet dhe standardet e barazisë dhe mosdiskriminimit, kuptimin e dhunës, ngacmimit, ngacmimit seksual dhe të mjedisit të sigurt në punë, kryesisht në sektorët e MM dhe SHPFA.

Lexo më shumë...

Gjeneralmajor prof. asoc. Bajram Begaj, vizitë zyrtare në Komandën Supreme të Aleancës në Evropë (SHAPE)

Shefi i Shtabit të Përgjithshëm të FARSH, gjeneralmajor prof. asoc. Bajram Begaj zhvilloi një vizitë zyrtare dy ditore në Komandën Supreme të Aleancës në Evropë (SHAPE), në Mons, Belgjikë.

Gjatë kësaj vizite SHSHPFA u prit dhe pati takime me komandantin e Komandës së Operacioneve të NATO (ACO) gjeneral Tod D. Wolters, zëvendëskomandantin gjeneral Tim Radford dhe zëvendësshefin e Shtabit të kësaj komande gjenerallejtënant Brice Houdet. 

Gjeneralmajor Begaj, gjatë takimit të zhvilluar me gjeneral Wolters, pasi vlerësoi kontributin e ACO, si një komandë strategjike për planifikimin, monitorimin dhe zhvillimin e operacioneve të NATO-s, vuri theksin dhe vlerësoi rolin drejtues të gjeneral Wolters dhe burrave dhe grave nën uniformë që shërbejnë në këtë komandë.

Lexo më shumë...






Media Sociale



Moti