Kolonel Ylli Pulaj priti në një takim zyrtar atasheun ushtarak italian kolonel Nicola Piccolo

17 dhjetor 2020

Zëvendëskomandanti i Forcës Ajrore, kolonel Ylli Pulaj priti në një takim zyrtar atasheun ushtarak të Republikës së Italisë në vendin tonë, kolonel Nicola Piccolo.

Kolonel Pulaj falënderoi atasheun për vizitën e tij në Komandën e Forcës Ajrore në Rinas dhe për mbështetjen e vazhdueshme që Republika e Italisë dhe Forcat e Armatosura Italiane kanë dhënë në rritjen dhe zhvillimin e kapaciteteve ushtarake të Forcës Ajrore.  

Në vijim, Ai njohu atasheun me zhvillimet aktuale në Forcën Ajrore, duke shprehur vullnetin në vijimin e bashkëpunimit ushtarak kryesisht në zhvillimin e kapaciteteve e teknikës ajrore por edhe në drejtim të kualifikimit të burimeve njerëzore.

Lexo më shumë...

Forca Ajrore fton vajzat e Dëshmorit të Atdheut Kapiten Floran Delia në prag të festave të fundvitit

16 dhjetor 2020

Paraditen e sotme, në ambientet e Komandës së Forcës Ajrore, në Rinas u zhvillua aktiviteti festiv me vajzat e Dëshmorit të Atdheut Kapiten Floran Delia me rastin e festave të fundvitit dhe ditëlindjes së vajzës së vogël Fjolla, e cila në fillim dhjetori mbushi 8 vjeç.

Të pranishëm në aktivitet ishin zëvendëskomandanti i Forcës Ajrore, kolonel Ylli Pulaj, përfaqësues të institucioneve të Forcës Ajrore në Garnizonin e Rinasit si dhe vajzat e Dëshmorit të Atdheut Kapiten Floran Delia të shoqëruara nga z. Jahja Delia, babai i Dëshmorit.

Kolonel Pulaj në fjalën e mirëseardhjes e cilësoi këtë ceremoni simbolike dhe domethënëse në respekt të Dëshmorit të Atdheut Floran Delia duke theksuar se Forca Ajrore do të kujtojë gjithmonë me nderim dhe respekt punën dhe veprën e Dëshmorëve të Saj, si dhe do të ketë gjithmonë vëmendjen tek familjet e tyre kryesisht tek fëmijët që janë në moshën e rritjes.

Lexo më shumë...

Kolonel Ylli Pulaj priti në një takim kortezie atasheun ushtarak turk kolonel Muhammet Kelami Kabley

10 dhjetor 2020

Sot, zëvendëskomandanti i Forcës Ajrore, kolonel Ylli Pulaj priti në një vizitë kortezie atasheun ushtarak të Republikës së Turqisë në vendin tonë, kolonel Muhammet Kelami Kablay.

Gjatë vizitës, kolonel Kabley shoqërohej nga oficeri koordinator i palës turke në Bazën Ajrore, Kuçovë major Taner Arin dhe asistenti i tij.

 

Lexo më shumë...

Zëvendëskomandanti i Forcës Ajrore, mesazh urimi me rastin e ditës së Krijimit të Bazës Ajrore Farkë

Zëvendëskomandanti i Forcës Ajrore, kolonel Ylli Pulaj uron efektivin e Bazës Ajrore Farkë me rastin e 53-Vjetorit të Krijimit të saj.

 

 

 

 

Lexo më shumë...

Deklaratë për shtyp e Forcës Ajrore

01 dhjetor 2020

Ditët e fundit Forca Ajrore e Republikës së Shqipërisë është përballur me një sulm të pabazë nga përfaqësues të një subjekti politik, të cilët akuzojnë për keqpërdorim të misionit dhe të mjeteve të Forcës Ajrore.

Mes informacioneve të përdorura në mbështetje të këtyre akuzave, përfaqësues të këtij subjekti kanë bërë publike edhe një listë fluturimesh në një qark të Republikës së Shqipërisë, edhe pse nxjerrja e informacioneve të tilla, shumë prej të cilave janë të klasifikuara për shkak të cenimit të sigurisë së FA, përbën një vepër penale që ndëshkohet me ligj.

Në rastin konkret, në funksion të detyrimit të saj ligjor për transparencë e për të informuar qytetarët, të cilët me të drejtë meritojnë të dinë të vërtetën rreth këtyre akuzave, deklarojmë me përgjegjësi të plotë që informacioni i përcjellë në media nga subjekti politik është i pasaktë, qoftë përsa i përket datave të fluturimeve, qoftë përsa i përket destinacioneve, qoftë përsa i përket arsyeve e qoftë përsa i përket personave që kanë udhëtuar në bordin e mjeteve të Forcës Ajrore.

 

Lexo më shumë...

Vihet në punë radari në malin e Midës

Ministrja e Mbrojtjes znj. Olta Xhaçka, e shoqëruar nga shefi i Shtabit të Përgjithshëm të FARSH, gjeneralmajor, prof. asoc. Bajram Begaj inspektuan radarin e sapondërtuar dhe të vënë në punë në Midë të Pukës.

Radari është investim i qeverisë shqiptare dhe qeverisë amerikane dhe projekti u zbatua nga kompania “Lockheed Martin”.

 

Lexo më shumë...





Media Sociale



Moti