Sot më datë 7 shtator 2017, efektivi i Policisë Ushtarake në kuadër të thirrjes së Kryqit të Kuq Shqiptar , dhuroi gjak për të ndihmuar rreth 700 fëmijë talasemik dhe familjet e tyre.
Ky akt i thjeshtë por me vlera të mëdha humane u realizua nën kujdesin e Komandantit të Policisë Ushtarake Kolonel Ekland Dauti dhe Znj.Antigoni Qystri Kordinatore e Projektit të Dhurimit Vullnetar të Gjakut për Kryqin e Kuq, dega Tranë, për të qënë sa më pranë fëmijëve në nevojë të cilët çdo dy javë duan një flakon gjak për të jetuar.
Policia Ushtarake i është përgjigjur në çdo ditë të vitit thirrjes për dhurimin e gjakut, ky është i disati vitë radhazi që ne i jemi gjendur pranë fëmijëve talasemik për të cilët dhënia e gjakut është një ditë jete më shumë. Të dhurosh gjak jo vetëm që është një dhuratë e çmuar e cila shpëton një jetë por është në të mirë të shëndetit pasi bën aktiv prodhimin e rruazave të kuqe të gjakut si dhe është një mënyrë për të kontrolluar shëndetin. Kjo traditë e cila tashmë është bërë pjesë e pandarë e Policisë Ushtarake do të vazhdojë edhe në vitet në vazhdim dhe kurdoherë që do të kërkohet ndihma jonë.
