18 prill 2021

Ekipi i ushtarakëve amerikanë nga Garda Kombëtare e New Jersey, zhvilloi një vizitë pune njëjavore në Komandën e Forcës Ajrore dhe strukturat e saj të vartësisë.

Qëllimi i kësaj vizite ishte mbështetja për realizimin e projekteve për trajnimin e pilotëve, teknikëve dhe specialistëve të Forcës Ajrore për përdorimin nga Forca Ajrore të dy helikopterëve UH-60A Black Hawk që Shtetet e Bashkuara të Amerikës do t’i dorëzojnë Forcave të Armatosura të Republikës së Shqipërisë.

08 prill 2021

Në mjediset e Garnizonit Rinas, paraditen e sotme, u realizua një seancë dhurimi vullnetar i gjakut nga ushtarakët e Forcës Ajrore në sensibilizim të iniciativës “Dhuro gjak - shpëto jetë” iniciativë kjo, nën kujdesin e shefit të Shtabit të Përgjithshëm të Forcave të Armatosura prof. asoc. gjeneralmajor Bajram Begaj.

Kësaj iniciative iu bashkua zëvendëskomandanti i Forcës Ajrore kolonel Ylli Pulaj dhe shefi i shtabit i Forcës Ajrore kolonel Arben Cenolli, të cilët së bashku me ushtarakë të tjerë anëtarë të shtabit dhe strukturave të Forcës Ajrore u paraqitën për të dhuruar gjak në ndihmë të fëmijëve talasemikë duke e vlerësuar këtë xhest si një akt qytetarie dhe humanizmi.