29 mars 2013
Është zhvilluar në ambientet e batalionit të Vaut të Dejës në Shkodër, stërvitja e efektivave të Policisë ushtarake “Buna 13”. Në ceremoninë me rastin e përfundimit të stërvitjes kanë marrë pjesë Komandanti i Policisë Ushtarake Kolonel Ylli Zyla, Drejtori i Drejtorisë së Operacioneve dhe Stërvitjes, Kolonel Editson Zarka, Drejtori i Drejtorisë së Zbulimit, Kolonel Agim Bezhani, Prefektja e Qarkut Shkodër, Voltana Ademi, Përfaqësues të Policisë së Qarkut Shkodër, përfaqësues të pushtetit vendor të Vaut të Dejës, etj.
Qëllimi i stërvitjes “Buna 13” është testimi i kapaciteteve operacionale të efektivave të Policisë Ushtarake në situata emergjente, operacione kërkim-shpëtimi, si dhe testimi i nivelit të koordinimit me organet e pushtetit qendror dhe lokal.
29 mars 2013
Sot në orën 07.00 një anije “ARCH ANGEL” A-05 e Rojes Bregdetare të Forcave Detare është angazhuar në operacionin e kërkim-shpëtimit të dy peshkatarëve që kanë humbur gjurmët në det në afërsi të Zvërnecit në Vlorë. Anija A-05 me një ekuipazh prej katër vetë i është bashkuar mjeteve dhe forcave të Policisë Kufitare dhe forcave të tjera të që janë angazhuar në këtë operacion.
Në orën 12.55, me urdhër të Shefit të Shtabit të Përgjithshëm të FA, Gjeneral Major Xhemal Gjunkshi, në operacion u përfshi edhe helikopteri “COUGER” i Forcës Ajrore.
29 mars 2013
Shefi i Shtabit të Përgjithshëm të FA të RSH-së, Gjeneral Major Xhemal Gjunkshi, ka uruar gjithë personelin ushtarak dhe civil që shërben në radhët e Forcave të Armatosura, me rastin e Ditës së Pashkëve Katolike.
“Të dashur ushtarë, nënoficerë, oficerë dhe punonjës civilë të Forcave të Armatosura të Republikës së Shqipërisë!
Me rastin e Ditës së Pashkëve Katolike, kam kënaqësinë dhe nderin e veçantë që t’ju përcjell urimet më të ngrohta dhe të përzemërta të gjithë pjesëtarëve të Forcave të Armatosura të Republikës së Shqipërisë.
27 mars 2013
Mesditën e sotme, shefi i Shtabit të Përgjithshëm i FARSH, gjeneralmajor Xhemal Gjunkshi priti në një takim të veçantë ish-atasheun ushtarak të Rumanisë, kolonel Daniel Plescan dhe atasheun e ri ushtarak të Rumanisë në Shqipëri, nënkolonel Lauretiu Rusan me rastin e marrjes së detyrës.
Gjeneral Gjunkshi falënderoi kolonel Plescan për punën e mirë si dekan i atasheve ushtarakë të akredituar në Shqipëri, si dhe për angazhimin personal në përmirësimin e marrëdhënieve ndërmjet Forcave të Armatosura ndërmjet vendeve tona. Gjeneral Gjunkshi i uroi suksese në detyrën e marrë atasheut të ri të Rumanisë në Shqipëri, nënkolonel Lauretiu Rusan.
25 mars 2013
Nën drejtimin e shefit të Shtabit të Përgjithshëm të FA, gjeneralmajor Xhemal Gjunkshi është zhvilluar takimi për prezantimin e kërkesave buxhetore të Programeve të Mbrojtjes të Forcave të Armatosura për vitet 2014-2019. Në takim merrnin pjesë gjithashtu zëvendësshefat e Shtabit të Përgjithshëm të FA, gjeneralmajor Viktor Bërdo dhe gjeneral brigade Sandër Lleshi, komandantët e forcave dhe drejtorët e drejtorive në SHPFA.
22 mars 2013
Shefi i Shtabit të Përgjithshëm i FA, gjeneralmajor Xhemal Gjunkshi ka inspektuar sot në mesditë, mjetet dhe trupat ushtarake të vendosura në dispozicion të Shtabit të Emergjencës së Prefekturës Shkodër.
Në qytetin e Shkodrës prej ditës së djeshme ndodhen pesë kamionë tip “MAN” dhe një fadromë të Brigadës Logjistike. Këtyre mjeteve u janë bashkuar ditën e sotme edhe katër mjete vetëshkarkuese të tonazhit të lartë të Brigadës së Mbështetjes Rajonale, për përballimin e situatës së krijuar prej reshjeve të shiut gjatë ditëve të fundit në rajonin Laç, Vau-Dejës.
