25 maj 2016
Kompania e parë e këmbësorisë e Forcave të Armatosura shqiptare është në përbërje të batalionit spanjoll “Spear Head”.
Në ditën e Vizitorëve të Shquar, më datë 25 maj 2016, që u zhvillua në Aeroportin e Wroclaw-it dhe në rajonin stërvitor të Zaganit, Poloni, ku është e dislokuar edhe kompania e parë e këmbësorisë e Forcës Tokësore të FA shqiptare, mori pjesë shefi i Shtabit të Përgjithshëm të FA shqiptare gjeneralmajor Jeronim Bazo.
18 maj 2016
Shefi i Shtabit të Përgjithshëm të FARSH, Gjeneralmajor Jeronim Bazo merr pjesë në Takimin e 175 të Komitetit Ushtarak në nivel Shefash Shtabi të Përgjithshëm të vendeve të NATO-s dhe ato partnere.
Takimi i 175 i Komitetit Ushtarak të NATO-s, është duke u zhvilluar në Selinë Qendrore të NATO-s në Bruksel, Belgjikë, dhe do të trajtojë çështje me rëndësi në kontekstin strategjik, misionin e NATO-s në Afganistan “Resolute Support”, Platformën e interoperabilitetit si dhe takimet e formatit me Gjeorgjinë dhe Ukrainën.
16 maj 2016
Në ambientet e garnizonit Zall Herr, u zhvillua ceremonia e nisjes së kontingjentit të trupave të Forcës Tokësore, në stërvitjen “Brilliant Jump II” që do të zhvillohet në Poloni.
Në ceremoninë e organizuar me këtë rast, merrnin pjesë zëvendësministri i Mbrojtjes z. Petro Koçi, shefi i Shtabit të Përgjithshëm të FA, gjeneralmajor Jeronim Bazo, komandati i Forcës Tokësore gjeneral brigade Nazmi Cahani, komandantë forcash dhe repartesh të FA, përfaqësues ushtarakë nga vendet e NATO në vendin tonë, si dhe drejtorë drejtorish nga MM dhe SHP
13 maj 2016
Përgjatë katër ditëve në ambientet e Ministrisë së Mbrojtjes si dhe në rajonin e Zall-Herrit, Kepit të Palit dhe Bizës, u zhvillua konferenca kryesore planëzuese e stërvitjes “Joint Effort - 16”.
Profesionalizmi dhe bashkëpunimi ndërmjet gjithë pjesëmarrësve të kësaj konference ishte lajtmotivi i punimeve të konferencës.
12 maj 2016
Shefi i Shtabit të Përgjithshëm të Forcave të Armatosura, gjeneralmajor Jeronim Bazo, mori pjesë në takimin e shefave të Shtabit të Përgjithshëm të vendeve të Ballkanit, që zhvillohet në Stamboll, Turqi nga data 10 deri 12 maj 2016.
Në këtë takim morën pjesë edhe përfaqësues të lartë nga Komitetit Ushtarak i NATO dhe i BE, Komanda e Forcës së Bashkuar të NATO, Napoli, dhe Komanda e Amerikane në Evropë si dhe SHSHP të Kroacisë dhe Sllovenisë, të cilët kanë statusin e vëzhguesit në këtë iniciativë.
10 maj 2016
Përfaqësues ushtarak kombëtarë pranë Komandës Strategjike të NATO-s për Operacionet, janë duke zhvilluar një vizitë zyrtare disaditore në vendin tonë. Qëllimi i vizitës është njohja me zhvillimet e fundit në Forcat e Armatosura të RSH, diskutimi i çështjeve të sigurisë e parë nga perspektiva Shqipërisë, mirënjohja e kontributit të Shqipërisë në operacionet e NATO-s ISAF, KFOR, Resolute Support dhe mbështetja e FARSHit për përmbushjen e angazhimeve në kuadër të NATO-s.
