31 dhjetor 2013
Shefi i Shtabit të Përgjithshëm të FA, gjeneralmajor Jeronim Bazo, nëpërmjet një mesazhi urimi, u është drejtuar të gjithë pjesëtarëve të Forcave të Armatosura, me rastin e Vitit të Ri 2014.
“Të dashur ushtarë, nënoficerë, oficerë dhe punonjës civilë të Forcave të Armatosura të Republikës së Shqipërisë!
Me rastin e festës tradicionale të Vitit të Ri, kam kënaqësinë dhe nderin e veçantë që t’ju përcjell urimet më të ngrohta dhe më të përzemërta të gjithë pjesëtarëve të Forcave të Armatosura të Republikës së Shqipërisë.
28 dhjetor 2013
Festa e Vitit të Ri ka mbledhur së bashku në ambientet e Ministrisë së Mbrojtjes shumë fëmijë dhe familjarë të ushtarakëve dhe punonjësve civilë që shërbejnë në Forcat e Armatosura. Në aktivitetin e organizuar nga QKMBM merrnin pjesë zëvendësministri i Mbrojtjes, z. Dritan Hila, zëvendësshefi i Shtabit të Përgjithshëm i FA, gjeneral brigade Pirro Ahmetaj, zëvendëskomandanti i Forcës Tokësore, kolonel Dilaver Hoxha, përfaqësues nga MM dhe SHPFA, etj.
Programi i këtij aktiviteti nisi në sheshin e madh të Akademisë Ushtarake të Forcave të Armatosura nga Orkestra Frymore Kombëtare e FA, e cila interpretoi muzikë festive, së bashku me fëmijët e ekipeve sportive që demonstruan ushtrime në sporte të ndryshme. Më pas të pranishmit vizituan nga afër një ekspozitë me pikturat më të mira të vitit 2013 të realizuara nga fëmijët e kursit të arteve pamore, si dhe produkte artistike dhe kulturore të realizuara nga QKMBM gjatë vitit 2013.
25 dhjetor 2013
Shefi i Shtabit të Përgjithshëm të FA, gjeneralmajor Jeronim Bazo, nëpërmjet një mesazhi urimi, u është drejtuar të gjithë pjesëtarëve të Forcave të Armatosura, me rastin e Krishtlindjes.
“Të dashur ushtarë profesionistë, nënoficerë, oficerë dhe punonjës civilë të Forcave të Armatosura të Republikës së Shqipërisë,
festa e Krishtlindjeve më jep kënaqësinë dhe nderin e veçantë që të uroj dhe të falënderoj të gjithë pjesëtarët e Forcave të Armatosura të Republikës së Shqipërisë.
24 dhjetor 2013
Atmosfera e festave të Krishtlindjes dhe Vitit të Ri është përjetuar edhe në ambientet e Ministrisë së Mbrojtjes paraditen e sotme. Ministrja e Mbrojtjes Znj. Mimi Kodheli dhe shefi i Shtabit të Përgjithshëm të FA, gjeneralmajor Jeronim Bazo kanë festuar bashkërisht me personelin e Ministrisë së Mbrojtjes dhe të Shtabit të Përgjithshëm të FA, duke trokitur gotat për suksese të mëtejshme gjatë vitit 2014.
Ministrja e Mbrojtjes, znj. Mimi Kodheli ka vlerësuar kontributin e gjithësecilit, si dhe ka premtuar mbështetje të gjithanshme ndaj personelit ushtarak dhe civil në Forcat e Armatosura. Një mesazh special në këtë fund viti ka përcjellë edhe shefi i Shtabit të Përgjithshëm të Forcave të Armatosura, gjeneralmajor Jeronim Bazo, i cili pasi ka falënderuar ministren Kodheli për organizimin e aktivitetit, ka uruar përzemërsisht shëndet, suksese e mbarësi për familjet e të gjithë personelit të Ministrisë së Mbrojtjes dhe të Shtabit të Përgjithshëm të Forcave të Armatosura.
23 dhjetor 2013
Festat e fundvitit kanë trokitur në mënyrë tepër të veçantë për paqeruajtësit që shërbejnë në Afganistan. Kryeministri z. Edi Rama, ministrja e Mbrojtjes znj. Mimi Kodheli, shefi i Shtabit të Përgjithshëm të FA, gjeneralmajor Jeronim Bazo, familjarë, eprorë dhe kolegë, kanë komunikuar mëngjesin e sotëm me efektivat e FA që janë duke shërbyer në kuadër të ISAF.
Videotelekonferenca ka sjellë për mëse 30 minuta të gjithë së bashku, për të uruar Krishtlindjen dhe Vitin e Ri, si dhe për t’u përshëndetur e çmallur me njëri-tjetrin.
21 dhjetor 2013
Është zhvilluar paraditen e sotme, në ambientet e Komandës së Forcës Tokësore, ceremonia e marrjes së ndihmës nga Republika e Turqisë për Republikën e Shqipërisë. Këto ndihma, që kapin një vlerë prej 3 milionë dollarë, konsistojnë kryesisht në mjete motorike ushtarake, si dhe pajisje të ndryshme logjistike për Forcat e Armatosura dhe Policinë e Shtetit.
Të pranishëm në këtë ceremoni kanë qenë ministrja e Mbrojtjes, znj. Mimi Kodheli, shefi i Shtabit të Përgjithshëm të FA, gjeneralmajor Jeronim Bazo, zëvendësministrja e Brendshme, znj. Elona Gjebrea, ambasadori i Republikës së Turqisë në Tiranë, z. Hydayet Bayraktar, atasheu ushtarak i Republikës së Turqisë, kolonel Nizametin Dogar, komandantët e forcave kryesore, si dhe përfaqësues nga Ministria e Mbrojtjes dhe Shtabi i Përgjithshëm i Forcave të Armatosura.
