10 - Vjetori i Anëtarësimit në NATO, Xhaçka: Shqipëria ka konsoliduar rolin si një shtyllë stabilitetit në rajon

Ceremonitë e ditës së sotme me rastin 10 - Vjetorit të Anëtarësimit të Shqipërisë në NATO, nisën me një konferencë të drejtuar nga ministrja e Mbrojtjes Olta Xhaka, e cila falënderoi të gjithë anëtarët e Aleancës për mbështetjen e dhënë si dhe praninë e disa prej tyre në këtë ditë të rëndësishme për Forcat e Armatosura të Republikës së Shqipërisë. 

Ministrja Xhaçka në fjalën e saj tha se, gjatë këtyre 10 viteve Shqipëria, padyshim e ndihmuar edhe nga statusi i saj si një vend anëtar i NATO, e ka konsoliduar rolin e saj si një shtyllë stabilitetit në rajon.

“Vendimi për të ndërtuar në Shqipëri, në Kuçovë, bazën e parë ajrore në rajonin tonë, padyshim që është një sinjal i fortë i vendosmërisë së Aleancës për të qëndruar në rajon, por edhe një sinjal i fortë i rëndësisë së madhe strategjike që po merr rajoni jonë në raport me garantimin e sigurisë së Europës”, - tha ministrja.

Lexo më shumë...

Gjeneral brigade Kollçaku në ceremoninë e përcjelljes së dy kontingjenteve paqeruajtës të Forcës Tokësore në Kabul, Afganistan

Shefi i Shtabit të Përgjithshëm të FARSH, gjeneral brigade Bardhyl Kollçaku mori pjesë paraditen e sotme në ceremoninë e përcjelljes së kontingjentit III shtesë dhe të kontingjentit X paqeruajtës, të Forcës Tokësore për në Kabul, Afganistan, në kuadër të kontributit të vendit tonë në misionin e NATO “Resolute Support Mission”.

Në ceremoninë e organizuar në pjesën ushtarake të Aeroportit Ndërkombëtar “Nënë Tereza”, në Rinas, morën pjesë gjithashtu edhe komandanti i Forcës Tokësore, gjeneral brigade Albert Mullai, komandanti i Komandës së Mbështetjes, gjeneral brigade Ndriçim Sallaku, atasheu ushtarak turk i akredituar në vendin tonë, kolonel Şakir Cumhur Somer, si dhe familjarët e efektivëve që u nisën në mision.

Lexo më shumë...

FARSH merr pjesë në stërvitjen e NATO “Noble Jump -19”

Stërvitja e përvitshme “Noble Jump - 19” është stërvitje e NATO, e cila teston gatishmërinë operacionale të strukturave të NATO të përcaktuara si Forca të Reagimit të Shpejtë (Very High Readiness Joint Task Force  - VJTF).

Kjo stërvitje u drejtua nga Komanda Strategjike e Operacioneve të NATO (ACO/SHAPE) dhe u zhvillua në ambientet e SHAPE, në Shtabin e Përgjithshëm të FARSH, Shtabin e Forcës Tokësore dhe në Batalionin Komando.

Forcat e Armatosura të Republikës së Shqipërisë në këtë stërvitje marrin pjesë me Kompaninë e Parë të Batalionit Komando të Forcës Tokësore, si audienca primare e stërvitjes dhe me strukturat e tjera planëzuese dhe drejtuese në SHPFA dhe në FT, si audiencë dytësore e stërvitjes.

Lexo më shumë...

Forcat e Armatosura angazhim maksimal për përballimin e situatës së krijuar nga reshjet e dëborës

Forcat e Armatosura të RSh, që prej ditës së djeshme janë në gatishmëri të plotë për përballimin e situatave të shkaktuara nga moti i keq dhe ditët e ftohta që kanë përfshirë vendin tonë.

Forcat e Armatosura kanë vendosur në gatishmëri forca, pajisje, mjete tokësore dhe ajrore për t’iu përgjigjur çdo problematike që mund të krijohet nga përkeqësimi i motit, temperaturat e ulëta dhe reshjet e dëborës, të cilat kanë përfshirë qarqet Shkodër, Kukës, Korçë, Gjirokastër dhe Dibër.

Shtabi i Përgjithshëm i Forcave të Armatosura po ndjek me përparësi situatën dhe është në kontakt të vazhdueshëm me Drejtorinë e Përgjithshme të Emergjencave Civile, prefektët si dhe me njësitë e vetëqeverisjes vendore për parandalimin dhe përballimin e situatave të ndryshme si dhe për t’i ardhur në ndihmë banorëve në vështirësi.

Lexo më shumë...

Gjeneral brigade Shehu merr pjesë në konferencën “Gruaja, Paqja dhe Siguria”, në Sarajevë

Zëvendësshefi i Shtabit të Përgjithshëm të Forcave të Armatosura, gjeneral brigade Manushaqe Shehu, mori pjesë në konferencën “Gruaja, Paqja dhe Siguria”, në Sarajevë të Bosnje Hercegovinës, e organizuar nga Shtabi i Bashkuar i Bosnje dhe Hercegovinës me mbështetje të Ambasadës Britanike në Sarajevë, në kuadër të zbatimit të Rezolutës 1325 të Organizatës së Kombeve të Bashkuara.

Në këtë konferencë morën pjesë gjithashtu shefi i Shtabit të Forcave të Armatosura i Bosnje Hercegovinës, gjenerallejtënant Senad Masovic, komandanti i EUFOR, gjeneralmajor Martin Dorfer, komandanti i Zyrave Qendrore të NATO në Sarajevë, gjeneral brigade Marti Bissell, atasheu ushtarak britanik në Sarajevë nënkolonel Jonathan Williamson, zëvendësshefi i Shtabit të Përgjithshëm të Malit të Zi kolonel Svetozar Brajković, zëvendësdrejtori i RACVIAC, Kroaci, gjeneral brigade Gordana Garašić si dhe përfaqësues nga OSBE, UN Women etj.

Lexo më shumë...

Komandanti i Komandës Ajrore të NATO, gjeneral Tod D. Wolters, vizitë zyrtare në vendin tonë

Në kuadër të fillimi të zbatimit të paketës, që NATO ka parashikuar të investojë në Bazën Ajrore të Kuçovës, komandanti i Komandës Ajrore të NATO gjeneral Tod D. Wolters, zhvilloi një vizitë zyrtare në Ministrinë e Mbrojtjes.

Pas pritjes me turpërojë nderi nga shefi i Shtabit të Përgjithshëm të FARSH, gjeneral brigade Bardhyl Kollçaku, gjeneral Tod D. Wolters, zhvilloi një takim me ministren e Mbrojtjes znj. Olta Xhaçka. “Është kënaqësi e veçantë që vitin 2019, që përkon me 10 - Vjetorin e Anëtarësimit të Shqipërisë në NATO, njëherësh edhe me 70 - Vjetorin e Krijimit të Aleancës, e nisim me një vizitë kaq të rëndësishme dhe me një lajm kaq të pozitiv, siç është fillimi i zbatimit të paketës, që NATO ka parashikuar të investojë në Bazën Ajrore të Kuçovës, gjatë 5 viteve të ardhshme. 10 vjet pas anëtarësimit në NATO Shqipëria është sot, jo vetëm një anëtar i denjë, por edhe një vend i sigurt, ku Aleanca ka vendosur të investojë kapacitetet e saj.

Lexo më shumë...

Përkujtohet Dëshmori i Atdheut kapiten Feti Vogli

Në batalion e Forcave Speciale të Forcës Tokësore, u organizua paraditen e sotme ceremonia përkujtimore me rastin e 7 - vjetorit të rënies në krye të detyrës së kapiten Feti Voglit, në Afganistan. 

Pjesëmarrës në ceremoni ishin: shefi i Shtabit të Përgjithshëm të Forcave të Armatosura gjeneral brigade Bardhyl Kollçaku, komandanti i Forcës Tokësore gjeneral brigade Albert Mullai, drejtorë drejtorish nga SHPFA, si dhe familjarët e Dëshmorit të Atdheut Feti Vogli.

 

Lexo më shumë...

SHBA dhuron 37 mjete të blinduara për Forcat e Armatosura

Forcat e Armatosura të Shqipërisë do të jenë më të afta për të kryer detyrat e tyre falë bujarisë së qeverisë së Shteteve të Bashkuara, të cilat dhuruan 37 mjete të mbrojtura dhe rezistente ndaj pritave dhe kurtheve të minuara.

Mjetet e blinduara të markës International MaxxPro MRAP (Mine Resistant Ambush Protected), do të përdoren nga strukturat e Forcave tona të Armatosura, të cilat janë pjesë e mbrojtjes kolektive të NATO.

 

Lexo më shumë...







Media Sociale



Moti