Helikopterët e Forcës Ajrore edhe gjatë këtyre ditëve krahas detyrave të tjera për realizimin e misionit, si stërvitjet e përbashkëta brenda dhe jashtë vendit, operacionet e kërkim - shpëtimit SAR, si dhe  realizimin e misioneve dhe detyrave të ngarkuara, vazhdojnë të kryejnë me sukses detyrën për dhënien e ndihmës së parë dhe shpëtimin e jetës së njerëzve për transportimin e të sëmurëve duke u ndodhur në çdo skaj të vendit, në çdo orë të ditës dhe në çdo stinë të vitit, pavarësisht kushteve meteorologjike dhe vështirësive të terrenit ku ato ndodhen.

Gjatë muajit qershor dhe deri më sot, janë kryer 51 misione si ambulancë ajrore misione, të cilat janë të shpërndara nga veriu në jug të Shqipërisë drejt Qendrës Spitalore Universitare “Nënë Tereza” dhe  Spitalit të Traumës, Tiranë, konkretisht:

06 korrik 2018

Në kuadër të programit të moderinizimit të Forcës Ajrore nga data 3-6 korrik 2018  u zhvillua trajnimi i efektivit fluturues  pilot për përdorimin e sistemit të kovave të ujit (Bumby Bucket me volum uji 2500 litra), për shuarjen e zjarreve me helikopterët Cougar.

Për këtë qëllim gjatë ditës së sotme që përkon me përfundimin e trajnimit u krye një demostrim për të treguar kapacitet opercionale të Forcës Ajrore në mbështetje të Emergjencave Civile.

Fillimisht, aktiviteti filloi në Bazën Ajrore Farkë, ku merrnin pjesë Shefi i Shtabit të Përgjithshëm të Forcave të Armatosura të RSH-së gjeneral brigade Bardhyl Kollçaku, komandantë të forcave, komandanti i Forcës Ajrore gjeneral brigade Vladimir Avdiaj dhe me pjesëmarrjen e prefektëve të qarqeve të Republikës së Shqipërisë.