03 maj 2013
Nga gjeneralmajor Xhemal Gjunkshi, shef i Shtabit të Përgjithshëm i FA
4 Maji i vitit 1913, shënon një moment të rëndësishëm historik jo vetëm për ushtrinë shqiptare, por edhe për shtetin e ri shqiptar të sapo krijuar. Formimi i “Shtabit Madhuer” siç njihej në atë kohë, u bë me miratimin e Qeverisë së Përkohshme të Vlorës, kryetar i të cilit ishte major Ali Shefqet Shkupi. Shtabi Madhuer e kishte qendrën në Vlorë, pranë Ministrisë së Luftës të Qeverisë së Përkohshme të Vlorës që kryesohej nga Ismail Qemal Bej Vlora.
Shtabi Madhuer u krijua në momente shumë të rëndësishme historike për fatet e vendit, ishte koha kur Ballkani dhe Europa do të përfshiheshin nga luftërat më të përgjakshme, Luftërat Ballkanike dhe Lufta e Parë Botërore.
